Kòrsou febrüari 2018- Resientemente minister di Salubridat, Medio Ambiente i Naturalesa sra. Camelia-Römer a risibí e promé ehemplar di e revista nobo di salú di Laboratorio de Medicos (LabdeMed) ‘Mi Salú’. E direktornan di LabdeMed Rudy Le Blanc i Eddy Balentien a hasi entrega di e promé edishon di e revista despues di a kaba di drùk. Durante di un presentashon e direktornan a indiká dikon LabdeMed ta haña asina importante pa duna un kontribushon positivo pa un Kòrsou mas salú.
Corporate Citizenship
Pa LabdeMed tin un ròl aktivo riba tereno di prevenshon den salubridat di Kòrsou ta algu ku ta papia pa su mes. Komo laboratorio responsabel LabdeMed ta hiba un maneho di siudadania koperativo duradero. Regularmente nan ta kompartí tepnan di salú riba nan wepsait òf via retnan sosial. E revista nobo di salú ta e inisiativa mas resien via kua LabdeMed ke yega i komuniká ku e komunidat di Kòrsou.
Kontenido di revista
Den algun palabra, Mi Salú ta kontené tur loke tin di haber ku un sistema salú di biba. E tópikonan ta varia for di kome saludabel te sufisiente moveshon i sosiegu. E kontenido ta dirigí riba e isla; por ehèmpel den e promé edishon tin un entrevista ku Dinah Veeris riba ‘superfoods’ di Kòrsou i tepnan unda por kana bon aki na Kòrsou. Tambe e lesadó ta haña informashon di LabdeMed.
Na dos idioma i grátis
Pa logra ku e revista ta yega i keda lesá pa mas tantu habitante di Kòrsou posibel, a skohe pa pa produsí e revista den dos idioma, kual nan ta ulandes i papiamentu. Mi Salú ta optenibel grátis na e 15 sentronan pa kue sanger di LabdeMed, den ofisinanan di dòkter i serka e spònsernan. Por lesa e revista online tambe riba wepsait di LabdeMed. LabdeMed ta spera di por kontribuí na un Kòrsou vital pa medio di e inisiativa aki.
About the Author
