Selebrá Biba…te na final: bo despedida fo’i dje tera’ki na un manera diferente
WILLEMSTAD – En kuadro ku e re-apertura di e sala nobo na El Tributo Otrobanda, djadumingu 24 di mei proksimo, e agensia funeraria ta lansa otro evento uniko: ‘Selebrá Bida..te na final.’ Sala 2 ta un fasilidat inovativo pa kumpli ku delaster un eksigensia di e klientela di El Tributo, ku di e manera aki kier sigui duna pueblo di Kòrsou e mihó servisio i máksimo komodidat. I pa ilustrá e posibilidatnan ku e sala nobo ta trese kuné huntu ku e re-apertura El Tributo lo organisá un eksposishon di entiero. E eksposishon lo sirbi pa konsientisashon den selebramentu di un persona su bida, kual morto tambe ta forma parti di dje. Ta importante pa kada un individuo para ketu, pensa i reflehá riba su bida. Nos tur tin di muri un dia, esei ta nos destino komun. E manera kon kada un di nos ta despedí ta un eskoho personal i uniko. P’esei e eksposishon di entiero ‘’Selebrá Bida…te na final.’’ Ku e eksposishon aki El Tributo huntu ku su sosionan kier brinda e komunidat di Kòrsou e oportunidat di bin tuma informashon i konsientisá su mes riba e tema di despedida. Sea prome, durante òf despues , e eksposishon ‘’Selebrá Bida…te na final’’ lo duna kada bishitante informashon tokante preparashon di un entiero den su totalidat i kon kada un di nos lo por selebrá nos despedida for di e tera aki na un manera diferente i uniko. Lo bai tin diferente charla, marshe di informashon, músika i mas. Fecha: 24 di mei 2015 Ora: 12or – 6or di atardi Lugá: El Tributo Otrobanda Entrada: gratis
About the Author
