E meta ta pa Aruba haya su prome orkesta sinfonico
ORANJESTAD (AAN) Minister Otmar Oduber a haci bishita na Cas di Cultura recientemente unda cu e por a pasa mira diferente artistanan di diferente instrumento cu a bin Aruba pa Nuevo Mundo Festival & Academy. E mandatario ta kere cu esaki ta un proyecto hopi bunita pa Aruba por laga nos hobennan participa na dje tambe.
E mandatario a haya un recorido y tambe por a mira con e muchanan aki ta tuma musica den un forma hopi serio y haci esaki parti di nan bida. Mas di 80 hoben di mas cu 15 pais rond mundo tabata presente na cas di cultura den un proyecto unico den Caribe cu a tuma luga aki na Aruba. Minister Oduber ta gradici henter e team cu a scoge Aruba como nan destinacion di haci e proyecto aki cu a inicia for di 10 aña pasa pa cuminsa cera e lasonan pa por haci esaki posibel awe.
Mirando e potencia di hobennan cu Nuevo Mundo Festival & Academy ta saca e muchanan di Aruba no por keda atras, pesey mes Minister Otmar Oduber hunto cu scol di musica Rufo Wever y Nuevo Mundo Festival & Academy a firma un Memorandum of Understanding, MOU, pa asina e dos instancianan aki forma nos hobennan di Aruba artistanan profesional riba diferente instrumento.
Asina tambe hopi hoben ta haya e oportunidad di scoge un instrument cu nan ta gusta pa haci esaki parti positivo den bida. E acuerdo cu e keda firma lo ta bay tin un responsabilidad riba scol di musica Rufo Wever, pero tambe riba Nuevo Mundo Festival & Academy pa asina Aruba haya su prome orkesta sinfonico di hobennan cu ta un proyecto piloto unda cu hobennan di Aruba ta forma parti di un proyecto asina grandi. E mandatario ta kere cu e proyecto aki tambe lo duna cultura d musica fuerte unda cu e musica di Aruba tambe por keda respeta rond mundo.
Minister Otmar Oduber su bishita na cas di cultura ta keda uno bunita mirando cu por a experiencia mas di 80 hoben di diferente pais ta dedica nan mes na diferente instrumento top. Esaki ta algo sumamente bunita di por experiencia mirando cu cada mucha riba nan mes tin un don y pasion grandi na momento cu mira nan toca. Trabao tin y e mandatario ta spera cu aki un aña orguyosamente por bisa cu Aruba tin un orkesta sinfonico crea di hobennan di Aruba y cu Aruba lo por bira un ehempel y cu por transmiti esaki y den futuro lo por haci intercambio cu paisnan grandi cu nan tambe lo por pone e meta aki nan dilanti.
Cu e Memorandum of Understanding (MOU) aki firma, Minister Oduber ta haci posibel cu e dos fundacion nan aki por cuminsa traha mas hunto y crea artistanan grandi den musica y cu por forma un orkesta fuerte door di talentonan di nos hoben nan na Aruba.
About the Author
