Digicel ta deseá tur mucha hopi éksito
WILLEMSTAD: Digicel ta den konstante moveshon, i tin kosnan grandi ta pasando. E fin di siman aki, Digicel ta lansa e hashtag #KosGrandiTaPasando durante e proyekto ‘Your Smile is Our Happiness’. E proyekto ta den man di Reina, Prins i Pancho di Karnaval 2018 ku a representá Digicel grandemente den luna di febrüari último komo su embahador. E fin di siman aki lo tin e promé evento; subimentu di fli!
E fin di siman aki, 50 mucha lo tin oportunidat di traha nan mes fli i subi esaki ku oportunidat di gana premio den e kompetensia di fli ku lo ta tumando lugá djadumingu awó. Primeramente nan lo partisipá na un tayer spesial pa siña kon pa traha fli, esaki djasabra dia 24 di mart i siguiente dia, 25 di mart, djadumingu nan lo partisipá den un kompetensia na Stadion Odulio Willems. E muchanan lo keda repartí den grupo i lo ta den kompetensia for di 9’or di mainta pa 12’or di mèrdia. Jorge Cuartas, Marketing Manager pa Digicel ta komentá di ta masha kontentu di forma parti di e proyekto aki. “Ta importante pa nos tin un impakto positivo den nos komunidat i Digicel tei na unda tin positivismo. Nos ta fasilitá e muchanan ku un tayer na unda ku nan por siña kon pa traha nan mes fli, ademas nan lo siña kon pa traha den grupo i ta interaktivo ku otro. Digicel ta komprometé na sostené proyektonan sosial den nos komunidat. E proyekto lo pèrkurá pa hopi sonrisa!”
Digicel ta invitá mayornan pa bishitá Stadion Odultio Willems djadumingu awor dia 25 di mart i apoyá e muchanan den e kompetensia di fli entre 9’or di mainta i 12’or di mèrdia.
About the Author
