Bo a kambia esun dibo kaba?
WILLEMSTAD: Resientemente Banco di Caribe a kambia su tarhetanan di krédito pa unu ku chep. Tur tarheta di krédito di Banco di Caribe awor tin un chep ku ta brinda e kliente èkstra seguridat ora ku ta us’é na un mashin di pago òf ATM. E tarhetanan nobo a keda ku e usual strepi magnétiko na e parti patras pero awor tin e teknologia di EMV chep tambe p’asina sigurá ku por usa esaki rònt mundu.
Ku e tarheta di krédito ku chep klientenan ta risibí ‘cash-back’ mensual riba tur transakshon, eksepto ora lanta sèn via di un ATM. Aparte di hasi pagonan ‘online’, e kliente por mira su saldo di kuenta na tur ATM ku ta pèrmití esaki. Ademas, e kliente por apliká pa e sistema di SMS Alert grátis kaminda e kliente ta risibí un mensahe riba su telefon despues di kada transakshon lokal òf internashonal ku e hasi ku su tarheta di krédito. Esaki outomátikamente ta subi e grado di seguridat di e karchi i ta duna e kliente e posibilidat di kontrolá kada transakshon. Si ainda tin persona ku no a kambia nan tarheta di krédito di Banco di Caribe pa unu ku chep, por hasi esaki te dia 11 di ougùstùs próksimo na branch na Saliña. Pa mas informashon tokante e proseso di kambio di tarhetanan di krédito, por bishitá www.bancodicaribe.com òf yama customer support na 432 3200.
About the Author
