E edishon di CNSJ di 2016 Curaçao North Sea Jazz Festival tabata eksitoso riba dos frontera. E aña aki un biaha mas e la mustra su potensial pa su impakto ekonómiko, atrayendo 7,216 turista influyente, ku bon edukashon for di prinsipalmente Ulanda, Merka, Venezuela, Colombia, Aruba I Sürnam. I pa promé biaha e festival a kambia e persepshon di Kòrsou i ku bishitante nan a duna di konosé ku nan lo ke bini bèk Kòrsou.
Di 3 pa 5 sèptèmber a organisá e festival na WTC pa di 6 aña konsekutivo. Manera añanan anterior, e aña aki atrobe ta tin un promoshon úniko ku e evento grátis di djaweps, ku Oscar de Leon I Juanes. Djabièrnè I djasabra ta tin un line-up impreshonante di 25 tòp-artista, inkluyendo kantantenan I kompositornan ganador di Grammy John Legend I Lionel Richie, leyenda di R&B The Isley Brothers i bosnan ganador di Grammy, kantante di jazz Cassandra Wilson, Enrique Iglesias I Usher.
E loke e bishitante internashonal a gasta e aña aki durante su biahe a surpasá esun di aña pasá ku $ 600 yegando un total di US$2,155.00. E loke e turista a gasta pa dia ta US$311 surpasando e suma di aña pasá ku 22.5%. E gastunan aki, a surpasá loke e turista tradishonal ta gasta ku kasi tres biaha mas tantu. Mas ku mitar di loke e bishitante a gasta a bai na gastunan di hotèl i restorant. Kompará ku aña pasá, ganashi pa hotèl a konosé un oumento di 69% I restorantnan un oumento inkreibel di 85.4%. E dos otro sektornan ku tambe a benefisiá bon ta lugánan di hür outo i bida nokturno, kaminda pa persona nan a gasta respektivamente US$183 i US$176. E loke e bishitante a laga na hotèl, restorant, outo di hür I bida nokturno, ta e kresementu nan mas haltu, kompará ku aña pasá.
E subida nan drástiko di e gastunan di e bishitante a kondusí na un efekto “spill-over” di nos ekonomia lokal. E impakto ekonómiko dirèkt a suma un total di US 8.7 mion, miéntras ku e gastunan indirekto di US 7.2 mion a sòru pa un impakto ekonómiko di US 15.9 mion. E kontribushon ekonómiko di e aña aki a surpasá esun di aña pasá ku US 
1.5 mion. Pa falta di informashon di entrada di famia, no ta posibel pa inkalkulá e efekto di e festival den e modelo ekonómiko di Kòrsou. Si e datonan aki ta disponibel, anto e ora ei e impakto ekonómiko ta muchu mas grandi.
Por atribuí e oumento den gastu dor di e bishitante, pa motibu di un satisfakshon enorme ku e produkto CNSJ, gruponan mas chikí ku a biaha i tambe e estadia mas largu riba nos isla. Kasi 95% I bishitante nan ta satisfecho ku e festival, I 9 di 10 bishitante ta interesá pa bolbe pa e festival I lo rekomendá e festival na otronan. E festival a logra prolongá e durashon di estadia di e bishitante ku un siman. Esaki pa motibu di a alargá e anochinan di festival di 2 pa 3 dia I dor ku ta tin mas kos di hasi durante e temporada di festival;
E punto positivo di e aña aki tabata aparente sinergia entre Kòrsou I e festival. Den e rapòrt di aña pasá a papia di un desapunto den balor di e festival I e balor di e destinashon. E aña aki “mas di 60% di esnan enkuestá a kontesta positivamente riba e pregunta ku nan lo bin Kòrsou, ounke lo no tin e festival.” Ta tin diferente ambiente/evento rònt di e festival: Por ehèmpel Punda Downtown Jazz Festival, diferente “after parties” na diferente hotèl i restorant. Stakeholder a kuminsá ripará ku futuro di e festival ta dependé di nan esfuerso kombiná ku e organisadó, pa e festival por bira sostenibel.
Ounke nos ta hañando señalnan di jointventure entre e organisadó I sobra stakeholder nan, nos mester sigui enfatisá ku mester yega na un koperashon muchu mas fuerte I mas duradero; ta hopi importante pa sigui traha riba e desaroyo aki pa no solamente por sigui garantisá e kalidat haltu di e festival, pero tambe garantisá un kalidat haltu di e produkto Kòrsou.
About the Author
