Willemstad – Baskin Robbins, e franchise di eiskrim mas grandi na Korsou, ya pa mas di 36 aña di bon servisio ta ofresiendo komunidat di Korsou kalidat haltu i variedat grandi di produkto. Komo banko di e negoshi di eiskrim ya pa mas ku 20 aña RBC a bin ta sirbi e interesnan di Baskin Robbins i semper a skucha su kliente pa komprondé su nesesidatnan pa por antisipá riba e planesnan pa futuro i ofresé solushonnan bankario na benefesio di e negoshi.
Optimalisashon di su sistema pa prosesá pago elektroniko (mashin di POS) ta un ehempel di esaki. RBC su team pa varios siman a bishitá su klientenan pa “upgrade” nan sistema di pago i a duna e usarionan un training n’e sitio pa fasilitá e transishon i garantisá e uso korekto di e mashin di pago. Genara Hanst-Villanueva di RBC, kende tabata enkargá ku Baskin Robbins, a guía su kliente di forma profeshonal pa medio di un demonstrashon strukturá. E demonstrashon a kubri e funkshonalidatnan básiko i durante esaki tambe a presta atenshon na e efisiensia ku tin awor, danki n’ e funshonan nobo.
E tim di implementashon na Kòrsou tabata tin un eksperensia plasentero durante e proseso di upgrade pa Baskin Robbins. “Tabata fantástiko pa mira e reakshon di e kliente ora mi a splika e diferente kambionan i e funshonan nobo di e sistema. E webmail segurá (secured webmail) di RBC ku ta manda mensahe automatisá pa e komersiante ku e transakshonan ku a tuma lugá e dia ey, tambe a impreshoná”, asina Genara ta konta. Nos ta yuda nos kliente pa skohe e sistema di POS mas apropiá pa su uso pa prosesá su pagonan na un manera efisiente. Ku e upgrade aki RBC por ofresé e kliente akseso mas fasil n’e saldo di kuenta na un kosto mas abou. E efisiensia di e sistema nobo aki tambe ta kontribuí na un proseso di rekonsiliashon mas simpel pa nos kliente na final di dia”, asina Genara ta konkluí.
Frieda Geller, e doño orguyoso di e franchise, ta bisa: “RBC a duna un kontribushon enorme n’ e éksito di nos kompanía pasombra e personanan ku ta traha n’ e banko semper ta interesá pa komprondé e kompanía pa asina por yuda nos den nos nesesidatnan. Danki n’ e sistema nobo di POS nos por atministrá e pagonan ku no ta kèsh na un manera mas lihé i kla. Nos ta honrá di a keda skohé komo un di esnan promé pa haña e upgrade aki. E la mehorá nos abilidat pa administrá nos kuenta. Danki na un i tur ku ta traha ku nos”.
About the Author
