…debí na éksito grandi…
WILLEMSTAD – Yüni –Debí na éksito grandi, Renaissance Curaçao lo kontinuá ku su “Dine Out Month” durante di e próksimo dianan te ku dia 25 di ougùstùs próksimo. Durante e luna aki Renaissance Curaçao ta brinda komunidat di Kòrsou e oportunidat di probechá di ofertanan spesial na CRU Steak House & Wine Bar, Nautilus i Infinity Beach Club. Tres restorant, kada un diferente ofresiendo e oportunidat di disfrutá di un eksperensia kulinario elegante na un preis super atraktivo. Manera ya menshoná, te ku 25 di Ougùstùs bishitá Renaissance Mall i Riff Fort i disfrutá di un 3 course menu na Infinity Beach Club òf Cru Steak House & Wine Bar òf un bufèt na Nautilus pa solamente Nafl. 55,00 ($30) pa persona. 
Kada un di e restorantnan ta ofresé un eksperensia diferente. Nautilus Restorant ta ofresé un ekstenso bufèt tur anochi ku variedatnan grandi di salada i pasaboka,tambe lo ofresé bufètnan special. Riba djabièrnè tin e popular BBQ Bufèt, djasabra un Italian bufèt i riba djadumingu e delisioso Seafood Bufèt. Cru Wine & Steakhouse ta e lugá pa disfrutá di e mihó steak na Kòrsou kompañá ku un di e dushi biñanan. Infinity Beach Bar a wòrdu kombertí resientemente den un Seafood Restorant. Disfrutá di un bahada di solo espektakular saboriando un di e platonan ku ta wòrdu ofresé. Renaissance Curaçao su ‘Dine Out Month’ ta ideal. Ta bon pa menshoná ku por mira e diferente menúnan riba e página di Facebook di e restorantnan partisipante den e “Dine Out Month’. Pa mas informashon òf pa hasi bo reservashon yama; 435.5000.
About the Author
