WILLEMSTAD – Djasabra 28 òktober 2017 Steering Committee Curaçao a organisá su evento Steering Award. Esaki tabata e di 8 aña ku a tene e evento durante kua ta duna rekonosementu na damanan ku a destaká pa nan trabou komo boluntario den nos komunidat. A pone atenshon póstumo na Sra. Jeanne Patricia Jackson(QEPD) kende na bida tabata konsehero hurídiko di Steering Committee Curaçao pa 42 aña.
Alabes a dediká e anochi na 2 hende muhé; Sra. Micheline Heyliger, komo e promé hende muhé ku a bira presidente di FEBECO i sra. Sra.Geraldine (Gerry) Archer, presidente di CAFRA Curaçao i Vice-President Cafra Regional
E aña aki a nominá 9 dama pa un rekonosementu spesial a base di nan trabou komo boluntario pa empoderá e hende muhé. E personanan aki ta; Eligia Leonora, di klup ORDAFLA, Grace Goede –Martina di klup Kontentu Uní, Ethlyn Merkies-Martis di Amity Friends, .Isbelia Laker – Kraal di Women Club Meet a Friends, Margerie Mathew, di Ebenezer Women’s Group, .Rosita Bernabela – Correa, di Klup Live & Love, Ange Jesserum di Klup Live & Love, Titsa Villareal – Bonafastia, di klup Live & Love, Egidia Coenraad di Klup Org. di Bario.
E ganadónan tabata; Ethlyn Merkies-Martis, di Amity Friends, Rosita Bernabela – Correa di Klup Live & Love, Margerie Mathew, di Ebenezer Women’s Group i Grace Goede – Martina di Klup Kontentu Uní.
Steering Committee Curacao ta felisitá tur e nuebe nominadonan i naturalmente e kuater damanan ku risibí e rekonosementu spesial pa e trabou nan ku nan ta hasi komo boluntario pa empoderá e hende muhé di nos komunidat i region.
About the Author
