Recientemente e noticia cu Carnaval 67 lo wordo organisa na juli 2021 a wordo publica. SMAC,
Gruponan Uni y Stichting Musica a delibera cu esaki lo ta un decision responsabel, mirando e
impacto local y mundial cu COVID-19 a trece cu ne.
Stichting Musica kier aclarea, cu e conseho di nan parti a wordo conclui cu nan band leaders pa
aña 2021. A postpone y a dicidi pa haci un actividad den forma di fundraising na juli 2021, como
parti di e fundraising y actividadnan cu SMAC a propone tentativamente. Durante evaluacion cu
band leaders, a toca e tema di e festval pa ambos aña 2021 y 2022 y e mayoria a conclui cu
nan ta di acuerdo pa postpone Carnaval, y consecuentemente e festival y competencia musical,
pa aña 2021.
A keda na palabracion, cu primordialmente e musiconan, y tambe SMAC, cu lo ta prudente pa
evalua hunto cu tur stakeholders e decision aki despues di 2021. Di e forma aki por mira si e
cambio di fecha ta uno exitoso y bonbini pa sigi pa e siguiente aña(nan) of si lo mester ahusta e
fecha bek pa comienso di aña.
Stichting Musica ta gradici tur band leaders pa nan aporte na e evaluacion y decision aki y ta
spera di por continua cu un bon cooperacion y comunicacion cu SMAC y Gruponan Uni pa haci
nos siguiente Carnaval y Aruba Caiso & Soca Monarch uno exitoso.
About the Author
