Despues di mas ku 15 aña ku Trio Los Condes di Puerto Rico no a bishita nos Isla, e aña aki nan lo tei pa deleitá Kòrsou ku nan músika di Trio. Trio Los Condes no mester di mas introdukshon. Mundu hinter semper a apresiá i a biba ku kada kansion ku Trio Los Condes a yega na produsí i atravez di nan trayektoria musikal a sa di disfrutá plenamente di kada kansion di Los Condes. I huntu ku Trio Los Condes, lo tei tambe Trio Huasteca for di Aruba! Trio Huasteca na vários okashon a yega na presentá aki na Kòrsou ku masha éksito i ta un Trio ku tin su gran fanatikada. E aña aki, The Trader Party Service a sòru pa Trio Huasteca tei na Kòrsou pa deleitá tur Mama ku nan kansionnan.
Di Kòrsou lo tei Norman Moron i su Trio. Norman Moron, semper presente kaminda tin kos bon! I den e kaso aki, Norman Moron lo tei ku su Trio pa asina kaba di yena e programa musikal aki espesialmente dediká na tur Mama di Kòrsou. Mamanan lo tin opshon pa skohe for di dje pa Djadumingu dia 08 di Mei próksimo. Por skohe entre Brunch-Show ku ta kuminsá 11or mainta pa 03or mèrdia. Den Sala di eksibishon di W.T.C. Mamai por disfrutá di un sukulento Brunch i na mes momentu keda deleitá ku músika di e tres Trionan ariba menshoná ku ta Trio Los Condes, Trio Huasteca i Norman Moron i su Trio. Un Djadumingu plasentero pa e Mama ku kier algu diferente riba su dia. No ta tur ora ta logra trese e Trionan aki huntu, pero e organisadó ku den e kaso aki ta The Trader Party Service a traha duru pa logra esaki i tur kos ta kla pa Bo Mama tambe sintié honra ku e presensia na Kòrsou di tantu Trio Los Condes di Puerto Rico – Trio Huasteca di Aruba i di Kòrsou, Norman Moron i su Trio.
Preis pa entrada pa e Brunch-Show ku ta kuminsá 11or mainta na WTC ta kosta ANG 125,00 pa persona i ta inkluí Brunch i bebida no alkohóliko i mucha ANG 75,00 i por hasi bo reservashon for di awor yamando The Trader Party Service na number di telefon 463-6363. Pronto lo tin karchi na benta na Mensing’s Caminada. Anochi 7’or lo tin un di dos presentashon di tur tres Trio i e presentashon di anochi tambe ta tuma lugá den WTC. Pa anochi, preis di entrada ta di ANG 150,00 i ta inkluí 5 bebida alkohóliko i tambe diferente pasapalu Deluxe den un esfera mas elegante. Bo por forma i reserva bo mesa kompleto of por reserva tambe e kantidat di karchi ku bo tin mester na un mesa. O sea, no nesesariamente mester kumpra mesa kompleto. Lo tin ademas, sekshon di stul solamente (no na mesa) i esaki su kosto ta di ANG 85,00 pa persona. Pues pa e selebrashon di dia di Mama e aña aki ta kompleto, ta na WTC bo mester hiba Mamai pa e disfrutá sea di e Brunch-show ku ta den dia kuminsándo 11or di mainta i kaba 03 or di mèrdia, of regalá mamai un karchi pa e anochi sea VIP of e sekshon di stul so.
About the Author
