Willemstad – 31 di mart 2015- United Telecommunication Services(UTS) a hasi un ganashi di 25.3 mion den 2014. Esaki ta danki na e akshonnan tuma pa kontené gastu di tal forma ku por a atendé ku e entradanan ku a sigui baha den 2014. Den 2014 UTS a logra un gran kantidat di mehorashon den su servisio i pakete di produktonan, poniendo na mes momentu un base firme pa sigui sirbi pueblo di Kòrsou den 2015 ku produktonan inovativo ku ta pas ku e demanda di e hende moderno. Realidat didesaroyo di telekomunikashon ta pinta di peligrá kompanianan di telekomunikashon engeneral pero UTS en partikular, di por keda un kompania sólido ku por kumpli ku e demanda di nesesidat di su klientenan. Pa e motibu akita imperativo pa buska un òf mas partner stratégiko pa nos kompania nashonal di telekomunikashon.
Un bista riba 2014
E ganashi di 25.3 mion florin den 2014 ta un kontraste di e pèrdidadi 29 mion den 2013. Un bista riba entradanan ta mustra ku esakinan a sigui baha miéntras ku e kostonan di operashon a baha drástikamente inkluso kostonan di personal ku a baha si pero a keda relativamente stabil. Bal tuma nota ku e e entrada promedio pa aña entre 2001 i 2005 tabata 285.22 mion miéntras ku entrada promedio pa aña entre 2006-2014 tabata 387.45 mion pa aña. Entre 2001 i 2005 e kompania a sufri pèrdidanan promedio di 16.25 mion pa aña miéntras di 2006 pa 2014 e kompania a hasi ganashi promedio pa aña di 9.73 mion florin. En total e kompania hasi entre 2006 pa 2014 88 mion florin na ganashi. 2014 ta sera UTS ku 65 mion florin na sèn kèshriba kuenta na banko.
Den 2014 UTS a traha duru pa sigui mehorá su servisio. Asina a logra pa tempu di espera promedio den su UTS storenan di 60 minüt pa 15 i por último 7 minüt. Banda di esaki a migra direkshon di 4G services, a konkluí e servisio di ATE, a mehorá e servisio di kobransa, a realisá ouditoria dor di BDO i a logra di tin sifranan oudita dor di akountent dentro di e promé tres lunanan di aña. UTS ta gradisí pa a keda skohe komo e proevedo di telekomunikashon di 2014 pa Amigoe Express.
2015 yena ku inovashon
2015 ta pinta di bira eksitante pa loke ta servisio i produktonan nobo ku UTS tin den tapara. Pronto UTS lo introdusí su sistema nobo di preis pa servisio di data i bos. UTS den 2015 lo introdusí tambe IPTV, ku ta televishon via internèt, meskos tambe servisio di VOIP ku ta yama pero transmití ku data en bes di bos. Lo sigui amplia e ret di fibra óptiko pa e yega mas kas na Kòrsou. Esaki ta nifiká ku lo por ofresé e.o. servisionan di seguridat pa kas. Asina prosperá mas servisio manera servisio di IT na kompanianan i servisio di pago mobil. Den 2015 UTS ta bai pone hopi atenshon riba mehorá su servisio di helpdesk i su call center. Bal tuma nota tambe di e boutique nobo i e sentro di eksperensha den Sambil.
UNIQA
E pèrdida operashonal di Uniqa di 2007 pa 2014 tabata total 157 mion. Si kita for di esaki sierto gastu nan ku a bini bek UTS, manera p.e. kobransa entre kompania pa servisionan ku UTS a ofrese Uniqa, interes di fiansa entre kompania pa fiansa e operashon di Uniqa i un aktivo di impuesto, ta sobra un pèrdida efektivo di 59 mion riba e añanan tras di lomba. Esaki ta 1.7% di e entradanan total di 3.487 mion ku UTS a generá entre 2006 pa 2014. Inisialmente UTS a a invertí 41.4 mion na 2007 den UNIQA. Esaki na 2014, despues di depresiá e bien inmóbil durante 8 aña, ta balorá na 5.2 mion. E bende e bienesnan di UNIQA pa 9 mion.
No ménos ku 4 ouditoria den último añanan
UTS den e último añanan a konosé no ménos ku kuater ouditoria. E gastunan total pa esakinan tabata 717 mil florin. Esaki ta sèn ku por a keda invertí den mehorashon di e servisio na bienestar di e klientenan. UTS su gerensia i personal ta tuma kada ouditoria na serio i ta duna atenshon total na dje. No por ninga ku kada bes na momentu di un ouditoria ta lanta diskushonnan innesesario den medionan ku ta pone peso riba e motivashon di empleadonan di UTS.
Futuro di telekomunikashon i UTS
Teknologia ta desaroyando ku spit di lus. Nos ta eksperenshando un konvershon di bos pa data i ret di koper pa fibra. E konsumidó moderno ta demanda un kapasidat mas grandi di akseso pa data (higher bandwidth) debi na e diferente desaroyonan teknológiko. E asina yama proevedonan OTT (Over the Top) ta ofrese kontenido (di kua nan ta doño di dje) over di internèt sin tin mester di intermediario atraves di e retnan di kompanianan di telekomunikashon manera UTS. E usuario, danki na e.o. esaki, ta deseá kapasidat mas haltu di akseso na data pero pa mes un preis i hasta mas barata. Banda di esaki tin un kantidat di desaroyo manera Internet of Things (IoT) ku ta artefaktonan sabi iúnikoku ta komuniká ku e nan proevedo pa optimalisá servisio sin mester di intervenshon.
Resultado di esaki pa kompanianan manera UTS su entradanan ta baha. Konsekuentemente UTS lo no por paga pa su invershonnan ni por paga su debenan, e kompania lo no por invertí den su infrastruktura pa e por kumpli ku demanda, konsekuentemente e ta pèrdè su posishon kompetitivo i lo no por generá entrada den futuro. Un partner stratégiko òf partnernan stratégiko pa diferente área empresarial lo por ta brinda un solushon pa e reto aki.
About the Author
